Աշխատակիցներ

Արթուր Հարությունյան
Տնօրեն, բաժնետեր

Արթուր Հարությունյանը շուրջ 20 տարվա փորձառություն ունի հաշվապահական հաշվառման և խորհրդատվության բնագավառում ինչպես մասնավոր, այնպես էլ պետական ոլորտներում: Նա ունի հաշվապահական հաշվառման և աուդիտի դասավանդման երկարամյա փորձառություն ՀՀ առաջատար բուհերում: 2002 թվականից հանդիսանում է Հայաստանի հաշվապահների և աուդիտորների ասոցիացիայի (ՀՀԱԱ) խորհրդի անդամ և Կրթության և որակավորման հանձնաժողովի նախագահ, իսկ 2014 թ.-ին ընտրվել է՝ որպես ՀՀԱԱ նախագահի տեղակալ: ՀՀ վարչապետի որոշմամբ ստեղծված ՀՀ-ում Հաշվապահական հաշվառման և աուդիտի ոլորտների բարեփոխումների հանձնաժողովի անդամ է 2008 թ.-ից: Ընդգրկված է եղել Ֆինանսական հաշվետվությունների միջազգային ստանդարտների (ՖՀՄՍ) և դրանց հետագա փոփոխությունների (2012-2013) պաշտոնական հայերեն թարգմանության գործընթացում՝ որպես ՖՀՄՍ-ների թարգմանության վերանայող հանձնախմբի փորձագետ, վերանայման հանձնախմբի ենթախմբի ղեկավար (2009): ՀՀ-ում ՖՀՄՍ-ները կիրառող, ինչպես նաև ՓՄԿ ՖՀՄՍ-ն կիրառող կազմակերպությունների համար հաշվային պլանների և դրանց կիրառման հրահանգների հեղինակն է (2011-2012): Ակտիվորեն ներգրավված է եղել ՀՀ-ում հաշվապահական հաշվառման և աուդիտի ոլորտների բարեփոխումներում 1998-2003 թթ.՝ որպես ՀՀ ֆինանսների և էկոնոմիկայի նախարարության հաշվապահական հաշվառման և աուդիտի մեթոդաբանության վարչության պետ: Այդ պաշտոնում նա ձեռնամուխ է եղել ոլորտի բարեփոխումներին ու կարգավորմանն ուղղված հայեցակարգերի, կառավարության որոշումների, օրենքների և այլ իրավական ակտերի նախագծերի մշակմանը, այդ թվում` հաշվապահական հաշվառման մասին, աուդիտորական գործունեության մասին, դրամարկղային գործառնությունների մասին ՀՀ օրենքների, դրանցից բխող կարգերի և կանոնակարգերի մշակմանը, ՀՀՄՍ-ների հիման վրա ՀՀ հաշվապահական հաշվառման ստանդարտների մշակմանը, վերջիններիս հիման վրա նոր հաշվային պլանի և ֆինանսական հաշվետվությունների նոր ձևերի մշակմանը, ինչպես նաև մի շարք պետական ձեռնարկություններում նշված ստանդարտների և հաշվային պլանի փորձնական ներդրման գործընթացի կազմակերպմանն ու վերահսկմանը: Այդ տարիներին Արթուր Հարությունյանն ակտիվ դերակատարում է ունեցել հաշվապահների որակավորման գործընթացում` մշակելով որակավորման գործընթացի կազմակերպման կանոնակարգերը, որակավորման ծրագիրն ու քննությունների հարցաշարերը: Նա ներգրավված է եղել նաև ՀՀ-ում աուդիտորական կազմակերպությունների լիցենզավորման գործընթացում` հանդիսանալով ՀՀ ՖԷՆ լիցենզավորման հանձնաժողովի նախագահ:

Նաիրի Ադամյան
Փոխտնօրեն, բաժնետեր

Նաիրի Ադամյանն ունի ավելի քան 15 տարվա փորձառություն հաշվապահության և խորհրդատվության բնագավառում: 2007 թվականին ընտրվել է Հայաստանի հաշվապահների և աուդիտորների ասոցիացիայի վերստուգիչ հանձնաժողովի նախագահ (2012 թվականին վերընտրվել և պաշտոնավարում է առ այսօր): Նա ունի ՀՀ էներգետիկայի, հանքարդյունաբերության, առևտրի և արտադրության ոլորտների կազմակերպություններին հաշվապահական և խորրհրդատվական ծառայությունների մատուցման հսկայական փորձ: Նաիրի Ադամյանն ունի հաշվապահական հաշվառման և աուդիտի մասնագիտությամբ տնտեսագետի որակավորում և հանդիսանում է ՀՀ ֆինանսների նախարարության կողմից որակավորված աուդիտոր: Նաիրի Ադամյանն իր մասնագիտական խորը գիտելիքներով, փորձառությամբ և անձնական նվիրվածությամբ մեծ ներդրում ունի «Էյ-Էն Աուդիտ» ՓԲԸ-ի հաշվապահական և խորհրդատվական նախագծերում: Նա մեծագույն հանձնառությամբ նպաստում է աուդիտի պատվերների օպտիմալ պլանավորմանը և արդյունավետության բարձրացմանը: Նաիրի Ադամյանի փորձառությունը տարածվում է նաև բիզնես խորհրդատվության, համալիր ուսումնասիրության և ֆինանսական հաշվառման ոլորտներում:

Անուշ
Անուշ Գրիգորյան
Աուդիտի մենեջեր

Անուշ Գրիգորյանը միացել է «Էյ-Էն Աուդիտ» ՓԲԸ-ին 2011 թ.-ին՝ որպես ՀՀ ֆինանսների նախարարության կողմից նոր որակավորված աուդիտոր: Մինչ «Էյ-Էն Աուդիտ» ՓԲԸ-ին միանալը Անուշն աուդիտի ոլորտում փորձառություն է ձեռք բերել աուդիտորական մեծ քառյակի ընկերությունում Մոսկվա քաղաքում, որից հետո նշանակվել «Էյ-Էն Աուդիտ» ՓԲԸ-ում՝ որպես աուդիտի մենեջեր:

Անուշ Գրիգորյանը ՖՀՄՍ-երի վերաբերյալ դասախոսություն է կարդում Հայաստանի հաշվապահների և աուդիտոորների ասոցիացիայում (ՀՀԱԱ):

Անուշ Գրիգորյանը հաճախորդների պորտֆելի կառավարումը համատեղում է նաև անձնակազմի վերապատրաստման, առաջխաղացման և ուսուցանման, ինչպես նաև ընկերության որակի հսկողության համակարգի մշակման հետ:

Անուշ Գրիգորյանն ունի Միջազգային երդվյալ հաշվապահների ասոցիացիայի (ACCA) կողմից տրված Հաշվապահների և Բիզնեսի դիպլոմ: Անուշը հանդիսանում է նաև ՆԱԻ և ՀՀԱԱ լիիրավ անդամ:

Արտակ Նահապետյան
Հաշվապահական ծառայությունների մենեջեր

Արտակ Նահապետյանը «Էյ-Էն Աուդիտ» ՓԲԸ-ին է միացել 2004 թվականից և այդ ընթացքում կուտակել է հաշվապահական հաշվառման համակարգերի մշակման, ներդրման, վերականգնման ու վարման հսկայական փորձառություն: Նա խորապես տիրապետում է մետաղամշակման արտադրության, առևտրի, հանրային սննդի, շինարարության և կրթության ոլորտներում կառավարչական, ֆինանսական ու հարկային հաշվառումների նրբություններին:

Մինչև «Էյ-Էն Աուդիտ» ՓԲԸ-ին միանալը, Արտակն աշխատել է «Հայկական Ծրագրեր» ընկերությունում՝ որպես «ՀԾ-հաշվապահական համակարգերի» սպասարկման բաժնի խորհրդատու:

Արտակը Հայաստանի ֆրանսիական համալսարանում, Հաշվապահության ուսուցման միջազգային կենտրոնում, Հաշվապահական միջազգային բիզնես կենտրոնում դասավանդել է «Հաշվապահական հաշվառումը համակարգչային ծրագրերի կիրառմամբ» առարկան:

2001 թ. ավարտել է ԵՊՀ տնտեսագիտության ֆակուլտետի մագիստրատուրան` ստանալով տնտեսագիտության մագիստրոսի աստիճան:

Արտակ Նահապետյանը ՀՀ ֆինանսների նախարարության կողմից որակավորված աուդիտոր է և ՀՀԱԱ լիիրավ անդամ:

Տարոն Վարազդատյան
Ավագ աուդիտոր

Տարոն Վարազդատյանն իր աշխատանքային գործունեությունը սկսել է «Էյ-Էն Աուդիտ» ՓԲԸ-ում 2012 թ. մայիսից՝ որպես աուդիտորի օգնական։ 2015 թ. ապրիլից Տարոնը դարձել է ավագ աուդիտոր, իսկ 2018 թ. փետրվարից զբաղեցնում է աուդիտի մենեջերի պաշտոնը:

Տարոն Վարազդատյանը 2013 թ. գերազանցությամբ ավարտել է Երևանի պետական համալսարանի տնտեսագիտության ֆակուլտետի մագիստրատուրան՝ ստանալով կառավարման մագիստրոսի աստիճան «Կառավարում» մասնագիտությամբ։

2016 թ. հուլիսին ՀՀ բարձրագույն որակավորման հանձնաժողովը Տարոն Վարազդատյանին շնորհել է տնտեսագիտության թեկնածուի գիտական աստիճան: Տարոնը հեղինակ է թվով 7 գիտական հոդվածների:

2017 թ. Տարոն Վարազդատյանն ավարտել է Հայաստանի հաշվապահների և աուդիտորների ասոցիացիայի (ՀՀԱԱ) որակավորման ծրագիրը: Տարոնը ստացել է աուդիտորի որակավորման վկայական ՀՀԱԱ-ի և ՀՀ ֆինանսների նախարարության կողմից: Տարոնն ունի նաև ՀՀ կենտրոնական բանկի կողմից տրված որակավորման վկայական՝ վարկային կազմակերպության վերստուգիչ հանձնաժողովի նախագահի (վերստուգողի) պաշտոնում աշխատելու համար:

2018թ. մայիսից Տարոնը ՀՀԱԱ լիիրավ անդամ է և ՀՀԱԱ վերստուգիչ հանձնաժողովի անդամ:

Սյուզաննա Բիլյան
Ավագ հաշվապահ

Սյուզաննա Բիլյանը աշխատում է «Էյ-Էն Աուդիտ» ՓԲԸ-ի հարկային և խորհրդատվական ծառայությունների բաժնում 2012 թ. մայիսից:

Ավարտել է Երևանի պետական տնտեսագիտական ինստիտուտի (Հայաստանի պետական տնտեսագիտական համալսարան) Ընդհանուր տնտեսագիտության ֆակուլտետի Ազգային տնտեսագիտության բաժինը՝ մակրոէկոնոմիկա մասնագիտությամբ:

Սյուզաննա Բիլյանը մասնագիտացել է արտադրության և արտահանող ընկերությունների հաշվապահական հաշվառման ոլորտում: Հաջողությամբ իրականացnւմ է մի շարք հաշվապահական հաշվառման համակարգերի ներդրման և կառուցման նախագծեր ՏՏ, շինարարական, գյուղատնեսական և այլ ոլորտներում:

Հովսեփ Հովսեփյան
Հաշվապահ

Հովսեփը 2014թ. ապրիլից հոկտեմբեր ամիսներին Միավորված Ազգերի Կազմակերպության (ՄԱԿ) «Երիտասարդների առաջխաղացման արահետ» զարգացման ծրագրի շրջանակներում աշխատանքային պրակտիկա է անցել «Էյ-Էն Աուդիտ» ՓԲԸ-ում և 2014 թ. հոկտեմբեր ամսից դարձել է «Էյ-Էն Աուդիտ» ՓԲԸ-ի հարկային և խորհրդատվական ծառայությունների բաժնի աշխատակից:

2014թ. նա ավարտել է Հայաստանի Պետական Տնտեսագիտական Համալսարանը տնտեսագիտության բակալավրի աստիճանով՝ բիզնեսի կազմակերպում մասնագիտությամբ:

2016թ․ ավարտել է Հաշվապահության Ուսուցման Միջազգային Կենտրոնի մագիստրատուրան՝ հաշվապահական հաշվառում և աուդիտ մասնագիտությամբ:

Արգամ Աբրահամյան
Հաշվապահ

Արգամ Աբրահամյանը 2012-2014 թթ. ՀՀ զինված ուժերում իր ծառայությունն ավարտելուց հետո, 2015 թ. մարտից` միացել է «Էյ-Էն Աուդիտ» ՓԲԸ-ի թիմին` նախ որպես հաշվապահի օգնական հարկային և խորհրդատվական ծառայությունների բաժնում: Ներկայումս նա ավագ խորհրդատու է և համակարգում է ֆինանսական ոլորտի կազմակերպություններին մատուցվող ծառայությունները:
2012 թ.-ին Արգամն ավարտել է Հայաստանի պետական ագրարային համալսարանը՝ ստանալով տնտեսագիտության բակալավրի աստիճան հաշվապահական հաշվառում և աուդիտ մասնագիտությամբ: 2016 թ. ավարտել է «Ֆինանսաբանկային Կենտրոն» Հիմնադրամի կողմից կազմկերպված «Բանկային մասնագետների պատրաստման» դասընթացը: Հայաստանի հաշվապահների և աուդիտորների ասոցիացիայի որակավորման ծրագրի մասնակից է և հանձնել է «Ֆինանսական հաշվառման հիմունքներ», «Ֆինանսաական տեղեկատվություն կառավարման համար», «Հարկային օրենսդրություն» և «Ֆինանսական հաշվետվությունների պատրաստում» առարկաների քննությունները: Ունի ՀՀ ԿԲ կողմից տրամադրված «Ներդրումային ընկերությունների գլխավոր հաշվապահի» և «Ներդրումային ֆոնդերի կառավարիչների գլխավոր հաշվապահի» որակավորումներ:

Մարգարիտա Նահապետյան
Աուդիտոր-օգնական

Մարգարիտա Նահապետյանը միացել է «Էյ-Էն Աուդիտ» ՓԲԸ-ին 2015 թ.-ին՝ որպես աուդիտոր-օգնական: Մինչ «Էյ-Էն Աուդիտ» ՓԲԸ-ին միանալը Մարգարիտան 2012-2014 թթ.-ի ընթացքում աշխատել է «Օրանժ ֆիթնես» ակումբի մարքեթինգի և ֆինանսների բաժնում: 2015թ.-ից հանդիսանում է ACCA ուսանող։

Մարգարիտա Նահապետյանն ավարտել է Հայաստանում Ֆրանսիական համալսարան հիմնադրամը 2014 թ.-ին`ստանալով ֆինանսներ և վերահսկողություն մասնագիտությամբ մագիստրոսի աստիճան:

Մելորա Մեյրոյան
Գլխավոր հաշվապահ
Սոնա Ասլանյան
Գործավար-ռեֆերենտ
Մարիամ Բեջանյան
Խորհրդատու

Մարիամ Բեջանյանը միացել է «Էյ-Էն Աուդիտ» ՓԲԸ-ին 2017թ. մայիսից՝ որպես խորհրդատու, և ներգրավված է ֆինանսական և ներդրումային ոլորտների կազմակերպություններին հաշվապահական ծառայությունների մատուցման գործում: Մարիամն ունի շուրջ հինգ տարվա փորձառություն հաշվապահության և աուդիտի ոլորտում: Նա հանդիսանում է Երդվյալ որակավորված հաշվապահների ասոցիացիայի (ACCA) անդամ: ACCA-ի 6 առարկաների քննությունների գծով համարվել է լավագույն արդյունքներ դրսևորածը Հայաստանում և ստացել է համապատասխան պատվոգրեր: Մարիամը նաև հանդիսանում է ACCA F7 Financial Reporting առարկայի դասախոսը Այ-Էյ-Բի Բիզնեսի միջազգային դպրոցում: 2010թ.-ին գերազանցությամբ ավարտել է Հայաստանի պետական տնտեսագիտական համալսարանի ֆինանսներ և վարկ բաժինը` ստանալով բակալավրի աստիճան, իսկ 2012թ.-ին գերազանցությամբ ավարտել մագիստրատուրան` ստանալով հանրային ֆինանսների մագիստրոսի աստիճան: Մարիամը ֆինանսների նախարարության կողմից որակավորված աուդիտոր է:

Տիրուհի Դարբինյան
Աուդիտոր-օգնական

Տիրուհի Դարբինյանը միացել է «Էյ-Էն Աուդիտ» ՓԲԸ-ին 2015թ.-ին՝ որպես աուդիտորի օգնական: Իր 10-ամյա աշխատանքային փորձառնություն ընթացքում աշխատելով տարբեր բնագավառներում գործունեություն ծավալող ընկերություններում՝ Տիրուհին տիրապետում է արտադրության, կրթության, առևտրի ոլորտի հարկային, ֆինանսական, կառավարչական հաշվառման կանոններին ու սկզբունքներին:
2006թ.-ին ավարտել է ԵՊՀ տնտեսագիտության ֆակուլտետի մագիստրատուրան՝ ստանալով տնտեսագիտության մագիստրոսի աստիճան:
Տիրուհի Դարբինյանը ՀՀ ֆինանսների նախարարության, ինչպես նաև ՀՀԱԱ կողմից որակավորված աուդիտոր է և վերջինիս լիիրավ անդամ:

 

Քրիստինե Ղազարյան
Աուդիտոր օգնական

Քրիստինե Ղազարյանը միացել է «Էյ-Էն Աուդիտ» ՓԲԸ-ի թիմին 2016 թվականի սեպտեմբերից՝ որպես աուդիտորի օգնական։ Նախքան «Էյ-Էն Աուդիտ» ՓԲԸ-ին միանալը նա աշխատել է «Բիզնես սեքյուրիթի» ՍՊԸ-ում՝ որպես հաշվապահ:

2016թ․ ավարտել է Երևանի պետական համալսարանի տնտեսագիտության և կառավարման ֆակուլտետը՝ ստանալով կառավարման բակալավրի աստիճան։ Այնուհետև ընդունվել է Հաշվապահության ուսուցման միջազգային կենտրոնի մագիստրատուրա՝ հաշվապահական հաշվառում և աուդիտ մասնագիտությամբ:

2017թ. սեպտեմբերից հանդիսանում է ACCA ուսանող:

Պարույր Մարտիրոսյան
Հաշվապահ

Պարույր Մարտիրոսյանն աշխատում է «Էյ-Էն Աուդիտ» ՓԲԸ-ի հաշվապահական ծառայությունների բաժնում 2016թ․-ի փետրվարից:

2013թ. ավարտել է Հայաստանի Պետական Տնտեսագիտական Համալսարանը տնտեսագիտության բակալավրի աստիճանով՝ Ապահովագրական Գործ մասնագիտությամբ:

2013-2015թթ. ծառայել է ՀՀ զինված ուժերում, որպես ժամկետային զինծառայող:

2017թ. Պարույրն ավարտել է Հաշվապահության Ուսուցման Միջազգային Կենտրոնի մագիստրատուրան՝ հաշվապահական հաշվառում և աուդիտ մասնագիտությամբ:

Սոնա Խաչատրյան
Հաշվապահ-օգնական

Սոնա Խաչատրյանը աշխատում է «Էյ Էն Աուդիտ» ՓԲԸ-ում 2018թ.-ի հունիսից Հաշվապահական և հարկային խորհրդատվության բաժնում՝ որպես հաշվապահի օգնական:

2011-2015թթ. սովորել է Հայաստանի Ազգային Պոլիտեխնիկական Համալսարանի Քոմփյութերային համակարգերի և ինֆորմատիկայի ֆակուլտետի Ձեռնարկությունների տնտեսագիտություն և կառավարում բաժնում՝ Ձեռնարկությունների տնտեսագիտություն և կառավարում (ՏՏ ճյուղում) մասնագիտությամբ: 2017թ.-ին ավարտել է Հայաստանի Ազգային Պոլիտեխնիկական Համալսարանի Քոմփյութերային համակարգերի և ինֆորմատիկայի ֆակուլտետը՝ ձեռք բերելով վերը նշված մասնագիտության մագիստրոսի աստիճան:

2017-2018թթ. աշխատել է «Կապիտալ Ինվեստմընթս» ՓԲԸ-ի ադմինիստրատիվ բաժնում: Սոնան «Էյ Էն Աուդիտ» ՓԲԸ-ում մասնագիտանում է ֆինանսական կազմակերպությունների հաշվապահական հաշվառման ոլորտում:

Լիանա Հովհաննիսյան
Հաշվապահ-օգնական

Լիանա Հովհանիսյանը 2018 թվականի մարտից աշխատում է «Էյ-Էն Աուդիտ» ՓԲԸ-ի հաշվապահական և հարկային խորհրդատվության բաժնում որպես հաշվապահի օգնական: Մինչ այդ նա 3 ամիս տևողությամբ ուսումնական պրակտիկա է անցել համանուն բաժնում:

Ավարտել է Հայաստանում Ֆրանսիական Համալսարանի կառավարում ֆակուլտետը: Այժմ նա շարունակում է իր կրթությունը նույն համալսարանի մագիստրատուրայի ֆինանսներ և վերահսկողություն բաժնում։

Ներկայումս Լիանան մասնագիտանում է ապահովագրական, շինարարական, ՏՏ և գյուղատնտեսական ոլորտի ընկերությունների հաշվապահական հաշվառումը վարելու մեջ:

Գրիգոր Ղազարյան
Աուդիտոր-օգնական

Գրիգոր Ղազարյանը 2019թ. ապրիլից աշխատանքային պրակտիկա է անցել «Էյ-Էն Աուդիտ» ՓԲԸ-ում, իսկ արդեն մեկ ամիս անց հիմնական աշխատանքի ընդունվել նույն ընկերության Աուդիտի բաժնում՝ որպես աուդիտոր-օգնական:

2013թ.-ին ընդունվել է Երևանի Պետական Համալսարանի տնտեսագիտության և կառավարման ֆակուլտետ և 2019թ.-ին ստացել տնտեսագետի բակալավրի աստիճան։ Այժմ Գրիգորը սովորում է նույն համալսարանի մագիստրատուրայում՝ հաշվապահություն և աուդիտ մասնագիտացմամբ: 2019թ.-ին Գրիգորն ընդունվել է նաև ՀՀ Պետական Կառավարման Ակադեմիայի գործարար վարչարարության մագիստրատուրայի բաժին:

2015-2017թթ. ծառայել է ՀՀ ԶՈՒ-ում:

Անետա Սարխոշյան
Հաշվապահ-օգնական

Անետա Սարխոշյանը 2019թ. մայիսից աշխատանքային պրակտիկա է անցել «Էյ-Էն Աուդիտ» ՓԲԸ-ում, իսկ արդեն մեկ ամիս անց հիմնական աշխատանքի ընդունվել նույն ընկերության հաշվապահության բաժնում՝ որպես հաշվապահ-օգնական:

2015թ.-ին Անետան ընդունվել է Երևանի Պետական Համալսարանի տնտեսագիտության և կառավարման ֆակուլտետ և 2019թ.-ին ստացել տնտեսագետի բակալավրի աստիճան։ Այժմ Անետան սովորում է նույն համալսարանի մագիստրատուրայում՝ հաշվապահություն և աուդիտ մասնագիտացմամբ:

Տնօրեն, բաժնետեր
Փոխտնօրեն, բաժնետեր
Անուշ
Աուդիտի մենեջեր
Հաշվապահական ծառայությունների մենեջեր
Ավագ աուդիտոր
Ավագ հաշվապահ
Աուդիտոր-օգնական
Գլխավոր հաշվապահ
Գործավար-ռեֆերենտ
Խորհրդատու
Աուդիտոր-օգնական
Աուդիտոր օգնական
Հաշվապահ-օգնական
Հաշվապահ-օգնական
Աուդիտոր-օգնական
Հաշվապահ-օգնական